اهلا رمضان ... بقلم الشاعر الكبير/ محمد حماد ودن 💙❤️💜💚
افرحى افرحى يا سعادة
بلغنا رمضان لعبادة
جيت يا رمضان هديه رحمن
النور اهو بأن هدى الرحمن
لما نصومك وصلاة وقران
تلقى بنورك البركه زيادة
افرحى افرحى ياسعادة
جيت بكمالك والله اشتقنالك
ليلك ونهارك فضل واحسان
شهر القرآن بالخير مليان
كلك تسابيح وعبادة
افرحى افرحى ياسعادة
محلى جمالك والله يارمضان
ربنا كرمك وخصك بصيام
حتى فى حرمك نور وايمان
واللى انحرمك يبقى الخسران
افرحى افرحى ياسعادة
كله بيفرح ويطلع تحويش
مسيحى مسلم بيعلقوا فوانيس
كله بيعمل كحك وقراقيش
حتى فطارنا مليان تحابيش
افرحى افرحى ياسعادة
بقلم محمد حمادودن
