احمد ربك ___ بقلم / د. زينب سليم أحمد ❤️💚💙💜
================
احمد ربك ع الموجود
ليه بتفكر في المفقود
لو راح تدرك حكمة ربك
تلقاها نعمة ماليها حدود
احمد ربك ليل ونهار
تلقى الخير جايلك أنهار
لو راح ترضى بفضله عليك
ولا يوم تتعب ولا تحتار
احمد ربك طول الوقت
اوعى تقول مليت وتعبت
احسب فضله ونعمه عليك
دوغري تقول والله انا تبت
طول ماتبص فى رزق الغير
مش هاتحس في ايدك خير
دي الأرزاق قسمها المولى
بلا تفريق وبعدل كبير
ركز كدا دايما مع حالك
راعي ضميرك هايزيد مالك
وان جت يوم بصيت لحرام
اعرف يومها بإنك هالك
وابعد عن أصحاب السوء
دانت بنارهم ياما هتدوق
دنيا هاتلقي حالك واقف
وآخرة جهنم فيها محروق
==================
بقلم / زينب سليم أحمد ✍️