جانا العيد .... كلمات الشاعرة/ زينب سليم أحمد 💚❤️💜💙
===================
جانا العيد اهو جه ياولاد
دا مفيش أجمل م الأعياد
فيه بنتلاقى كدا ونتجمع
قولوا أنشالله بخير يتعاد
جانا العيد وقلوبنا سعيدة
هلت وياه دنيا جديدة
قرب لينا الخير يا إللهي
خلي همومنا عنا بعيدة
هل علينا يا عيد بأمان
خلي الكل يبات فرحان
ازرع جوه قلوبنا سعادة
تطرح لينا . . الهنا ألوان
هل ياعيد بسلام لبلادي
وانصرها على اي أعادي
وشعاع شمسها يبقى سنابل
يبدر خيرها في كل الوادي
===================
يقام // زينب سليم أحمد ✍️