هاتوا الفوانيس .. للشاعر الكبير / سعيد ساسي 🌙🌙
هاتوا الفوانيس ياولاد هاتوا
وتعالوا ننور ليالينا
رمضان جانا ماحلا صفاته
بالخير والبركة تزيد فينا
هاتوا الفوانيس ياولاد هاتوا
.......
بنصوم اليوم ونقول راضيين
للمولى بقلب سليم وأمين
لجل مايسعد بيناالهادى
ويوم القيامه نكون فايزين
هاتوا الفوانيس ياولاد هاتوا
........
رمضان كريم الله اكرم
ودا كل عام ييجى بالتفاريح
اطفال وكبار راح يستنوا
بصيام مقبول وصلاةتراويح
هاتوا الفوانيس ياولاد هاتوا
......
رمضان كريم الله اكرم
بقدومه دايما نتعلم
ازاى نسامح بعضينا
ولا يبقى فينا قلب جريح
هاتوا الفوانيس ياولاد هاتوا
......
رمضان كريم لما يجينا
الخير بيزيد قوى يروينا
وكل عبد يبات مجبور
جير الخواطر تراضينا
هاتوا الفوانيس ياولاد هاتوا
.....
من كلماتى سعيد ساسى