إتلاقينا _ بقلم / زينب سليم أحمد 💚💙💜❤️
===================
إتلاقينا بعد غيبة . . !!!!!
ماحنا كنا زمان صحاب
الملامح . . . . . هي هي
رغم أن الشعر شاب
شوفته واقف في المكان
اللي كنت بقابله فيه
شوفت بسمة بتترسم
هزمت الدمع فــ عينيه
حتى شجرة حبنا
اللي كتبنا زمان عليها إسمنا
هزت رياح الذكرى بقوة غصنها
وكأنها راح تتخلع من جدرها
وتجري م الفرحة ولهفتها عليه..!!!
وافتكرت زمان في ثانية
كل عمري اللي راح
وازاي لقيتني واحدة تانية
عايشة تغزل فــ الجراح
وغصب عني لقيت عنيا دمعوا
من فرحتي أنه اخيرا جه ورجع
وخوفت أقوله أي كلمة توجعه
يكفي علينا سنين فراقنا بنتوجع
ضحك وقال لساكي باقية ع الوداد ؟!
رغم السهاد وسنين فراقنا والبعاد
لقيتني قولت . إزاي ياغالي ياكل مالي
تقول بعدت
انت اللي ساكن جوا قلبي
ولا ثانية غيبت
انسى خلاص كل الآهات
أنا حالفة اعوض اللي فات
ياللا نعوض اللي فات
========================
بقلم // زينب سليم أحمد . . . ✍️