قولي ياقلبي ❤️ بقلم / زينب سليم أحمد 💚💜💙
=================
قلبي سألته وانا مستغرب
قولي ياقلبي مال دقاتك ؟؟
كل مايجي الحب يقرب
بتقول ليه الوقت دا فاتك
وقافل ليه كل الأبواب؟؟
عامل فيها ياواد مستغني
مين قالك دا الحب عذاب
هاتبعد عنه وربك يغني !!
سيرة الحب بتبعد عنها
وتقول سهد ليالي طويلة
ومشاعرك مش بتبينها
بتقول ضعف وقلة حيلة!!
ولو للحب جابولك سيرة
بتقول لأ إبعد و انساني
وحاكم على نفسك بالحيرة
حتى ولو هتعيش وحداني
اللي سمعت زمان حكايتهم
كان العيب ياحبيبي دا منهم
علشان كدا كانت نهايتهم
صعب الحب يعشش بينهم
اصبر كدا وافهم واتآنى
خليك واعي واسمع مني
ياما كتير في الحب اتهنى
ونبض حبيبه له بيغني
===================
بقلم/ زينب سليم أحمد ✍️
