فوضها سيرة _ بقلم / زينب سليم أحمد 💜💙💚
==================
إهدى شوية بلاش تتهور
وتقول وعد ومنتاش قده
اوعى تفكر أو تتصور
إن حبيبك إيده على خده
إهدى شوية وفوضها سيرة
ليه عمال بتعيد وتزيد
قصة بسيطة عاملها كبيرة
ومشاعر راح تبقى جليد
لو هاتلف عليه وتدور
ولا تألف له في حكايات
أو هتعيش وياه في الدور
مش راح تسلم م الحوارات
زي ما بتقول إنك فاهمه
هو كمان فاهمك بسهولة
ولا عاد غدرك له بيهمه
ولا بينكم همزات موصولة
اللي أذاك خرجه م الصورة
حتى ولو نفسك مكسورة
لو يحلفلك 1000 يمين .
تلقى الروح كارهة ومعذورة
صفحة ودابت دوغري اطويها
قصة وخابت ليه بتحكيها
إنسى الهم عشان ينساك ..!!!!
وابدر بذرة خير وإجنيها
====================
بقلم // زينب سليم أحمد ✍️
