زمن مدلوق __ للشاعر الكبير/ عباس القوصي 🎄🎄🎄
______
حاسس علي ايدي ماشي
وكأن الزمن مدلوق
عايش ومش عايش
انفاس مفيش مخنوق
عقارب الساعه وقعت
والزمن علي بعضه واقع
بقي لابس توب النهايه
بلون غامق وفاقع
حاولت امد ايدي
واحط للساعه روح
كده كل شئ بيموت
والدنيا خلاص بتروح
ولقيتني مش قادر اسكت
وانا لسه عندي لسان
اقدر انسيه سكوته
وأقويه ع الزمان
أنا أقوي من الزمن
وصوتي هايسمعه
وهاأقوله بأعلي صوت
شيل الظلم امنعه
من حقي الاقي نفسي
ماتاخدنيش للغرق
فيه وقت ف عمري لسه
مش هااقبل يتسرق
هااقوم وهااحبي واسند
لحد مااقدر امشي
واشوف قدامي دنيا
حلوه ومنها ادوق
