جبل الشوق ___ بقلم الشاعرة الكبيرة/ زينب سليم أحمد ❤️💚💙💜
{{🎄 جبل الشوق 🎄}}
===================
لو كان جبل الشوق يتهز
ولا القلب في يوم يتغير
على عيني ولا كان يتعز
إني أسيبك يوم تتحير
عاوز تسمع كلمة حب ؟؟
تسعد بيها الروح والقلب !!
وانا بعديها أقابل حرب
لسة عليها أنا قلبي صغير
جبل الشوق جوانا بيعلى
واصل بين السما والأرض
وحبك جوا القلب بيغلى
وصبح فيا سنة وفرض
يوم ورا يوم أنا حبي بيكبر
واحلم إني أشوفك أكتر
وبتتحكم كدا ومسيطر
زي خطوط الطول والعرض
قول كدهو واعمل مابدالك
كل كلامك ليا عاجبني
حتى إن سوقت عليا دلالك
برضه هوايا وشوقي غالبني
قولي مين زيك ياحبيبي
يادويا للشوق وطبيبي
ياللي في دنيتي كل نصيبي
حتى ولو هتعيش تتعبني
=====================
بقلم // زينب سليم أحمد ✍️
