كنت ناويها _ بقلم الشاعرة/ زينب سليم أحمد 💚💙💜
=================
شكلك كنت ناويها
من الأول داخل على غش
وانا من طيبتي صدقتك
وبتحمل واقول معلش
وجالك قلب تخدع ليه . .
وتكسر قلب ليه حبك ؟؟؟
وقولي ازاي قدرت تعيش
مابين الناس بمليون وش
وكنت ناويها بتمثل . .
وقومت بدور مهوش دورك
ملاك و بريء ولابس وش
يداري الكبر وغرورك
وانا بسذاجة صدقتك .
وصدقت الدموع في عينيك
اتاري الغش كان طبعك .
ومتأصل وفي جدورك
لكن ربك عليم بالحال .
كشف لي كل الاعيبك
وانسى اني راح اسامح . .
أو اخدك وانت على عيبك
ولو تحلف بألف يمين .
على المية عشان تجمد
لا عمرك يوم هتتغير .
ولا طبعك دا هايسيبك
===================
بقلم // زينب سليم أحمد ✍️
