لسة فاكرة ؟؟!! _ بقلم / زينب سليم أحمد 💚💙💜
==============
لسة فاكرة ايوا لسة
كل لحظة . ملانة خسة
او ندالة وفعل جاحد
لما كنت زمان تعاند
روح بريئة بغدر حاسة
ايوا لسة ... !!!!!
.......................
بتقول بريء _ إزاي بريء
وانت سببت لروحي كل ضيق
انا اللي مديت لك ايديا بالورود
وع الصعاب خطيت وعديت الحدود
إزاي حصادي من دا كله القاه صدود
وانا اللي قولت عليك زمان أوفى صديق
إزاي بريء ؟؟
.......................
السماح _ لسه _ هاتقولي سماااح
ما السماح خلص وراح
مبقاش باقيلي غير جراح
ومعاها ذكرى معاندة فكرة
ازاى هاعيش بوجعها بكرة ؟؟
وقلبي مكسور الجناح ...!!
وتقول سماح ؟؟؟؟
......................
و الوعود
هي كمان مبقاش باقيلها خلاص وجود.
ولا عمري تاني هاراعي ودك فى الردود
هو فيه بعد الخيانة بيبقى وعد ؟؟
تجرح في قلبي وجاي كمان مستني رد ؟؟!!
دا البعد عنك كان قرار
ولا عمري تاني ليك هاعود
انسى الوعود
.......................
كنت _ أيوا كنت .. ولما خونت ...
ولقيتني هونت ، انت كمان عليا هونت
كنت فاكر أن صبري مالوش نهاية ؟؟!!
ولا جاي تخدعني وتعيد الحكاية ؟؟
هيا غلطة فــ حق نفسي مــ البداية
لما كنت تبيع هوايا
واشتريك والقاني صونت
ايوا كنت .....
======================
بقلم // زينب سليم أحمد