حال الدنيا _ بقلم / زينب سليم أحمد 💚💙💜
====================
حاسة بروحي مهيش مظبوطة
م اللي بشوفه بقيت مكبوتة
حال الدنيا صبح مقلوب
والافكار كلها مغلوطة . . !!!
ازاي هبقى في يوم مبسوطة
والأخلاق سايبة ومفلوتة
غصب ونصب وسرقة وقتل
لنفوس عايبة وصابها الشوطة
ويوماتي ..نسمع في حوادث
ونقول عادي ودا حوار فاكس
فجأة الكل بيفتي ويكتب
ويحلل . . أوضاع ويشاكس
ناس على حق الناس بتجور
ناس بطالة . . بتشهد زور
ونفس بريئة تروح مهدورة
وسط الناس وفي عز النور
ناس تسعى وتشقى وبتموت
كل هدفها تلاقي القوت !!!
راضية بحالها مهما جرالها
وبينتهى عمرها ويفوت
ناس عايشة ويادوب ومفيش
على طرف الدنيا كدا تعيش
تسكن جحر ونفسها راضية
وياريت سلمت مــ الخفافيش
======================
بقلم // زينب سليم أحمد ✍️
