فترة سكوت _ بقلم / زينب سليم أحمد 💚💜💚
===============
مين قال في بعدك هنتهي
وان الحياة هاتقف واموت
ماهي أي ثورة بتبتدي .
كان قبلها فترة سكوت
يمكن حزنت كتير صحيح
لما لقيتك مش صريح
وقلبي عاش وياك جريح
وكنت له قبر وتابوت
==============
قولت الدموع هتكون بحور
راح اعاني فيها من الغرق
وها ينطفى جوايا نور
وهعيش بنارك واتحرق
لكني مش حاسة بضيق
وبخطوة ثابتة ع الطريق
عمري ماهبقى في يوم غريق
واقول على العمر اتسرق
===============
وبدأت اخطط سكتى ..
وانسى اني عيشت معاك شريد
والبسمة عرفت دنيتي
لما اتولد أملي الجديد
واتعافى قلبي م الجراح .
وخلاص سامحت في اللي راح
وبدأت اشوف الكون براح
والعمر كله هايبقى عيد .....
=≠================
بقلم/ زينب سليم أحمد ✍️