نبض الروح_بقلم الشاعرة / زينب سليم أحمد 💚💜💚
=================
انت ليا ... نبض الروح
جوه مني منين مابروح
ساكن نن العين والقلب
وهمسك ليا يرد الروح
طب هتصدق لو. هحلفلك
او اغنيلك انا و اوصفلك
فرحة قلبي . . . وانا وياك
روحي بشوفها ياما تهتفلك
انا بحلفلك . . . كل يوم
بحلم حلم اتمنى يدوم
بحلم إني أعيش وياك
وانسى الدنيا وأي هموم
انا بستغرب صبري عليك
بكره ضعفي واحن إليك
عمري معاك انا عشته بحلم
اسكن قلبك ويا عينيك
شوقي إليك انا فجأة كرهته
قلبي يدق ويشكي ب حيرته
بسأل روحي ألف سؤال
ايه كان ذنبي اللى عملته ؟
قلبي حبك وانت كسرته
أملي فيك . . انت استكترته
ازاي قلبي في يوم يصفالك
بعد ما أمنك . . ولقاك خنته.
=====================
بقلمي/ زينب سليم احمد✍️ ...
