مات الضمير _ بقلم/ زينب سليم أحمد 💚💜💚
=======================
خففوا عنها الذنوب . . . . . !!!!!
بضمير نضيف . . مفهوش عيوب
انهشوا عرض الضحية وفتشوا
ازاي تموت قبل ماتلحق يوم تتوب ؟؟
يا خلق عايشة والنفوس سودا وهباب
ليه تنهشوا جتة بقيت تحت التراب
هوا خلاص مات الضمير ومفيش خشى
ولا عشانكو حيوانات عاوزينها غاب ؟؟
كنتوا فين لما دبحها بدم بارد ؟؟
وربكم والكون بحاله عليكوا شاهد
صابكوا الخرس ووقفتوا ليه تتفرجوا
واما نطقتوا قولتوا عادي وأمر عارض
دا المتهم هوا ضميركم العفن . . !!!
لما جيتوا كمان وقطعتوا الكفن
ولا همكم حرمة لموت ولا يوم حساب
راح تندموا على كل حرف بيتنطق
ضيعتوا بيه الحق وياريته بتمن
=========================
بقلم / زينب سليم أحمد ...✍️
