فترة نقاهة __بقلم / زينب سليم أحمد 💚💜💙
==================
عاوزة ابعد واخدلي اجازة
فترة راحة . .كمان ونقاهة
تبقى هدوء . وبكل لذاذة
يمكن روحي هناك القاها
أنسى هموم كان مالهاش عازة
وشوية ناس كدا وياها ..!!!
بعدها بس انا ممكن اكمل
واقدر تاني ارجع واتحمل
أي أمور أنا نفسي انساها
عاوزة اعيش مع روحي يومين
ومن نِفسي اطبطب واداديها
ضاع من عمري احلى سنين
كنت أنا ظالمة وباجي عليها
لما سامحت كدا وبالساهل
ناس ياما جاحدة ومابتستاهل
كان غدرها والكبر ماليها ..!!!
يبقى طبيعي احس بدوخة
وتبقى ايام غبرة وممسوخة
لما اعمل تقدير أو قيمة
للي يادوب بلونة منفوخة ..!!!
=====================
بقلم / زينب سليم أحمد ✍️
