طريق مسدود _ بقلم الشاعرة/ زينب سليم أحمد 💚💜💙❤️
==================
يمشي وماله كتر خيره ..!!
حتى الكون أجمل من غيره
فكره حياتي تقف لو غاب
بس أوام اهو راح تأثيره
ياما راهن على قوة صبري
واني عشانه اضحي بعمري
بس لقيته ولا يستاهل
لما تعبني وجيبت انا أخري
ياما غروره صور ليه
اني انا رهن وملك أيديه
وعشان كنت بطول بالي
ابقى خلاص مرهونة عليه
دانا صبري طبعا له حدود
رغم الحب اكيد موجود
بس تقلل مني في يوم ..!!!
يبقى وصلنا طريق مسدود
وانا ساكتة . . لكن بتقطع
جوا في قلبي نار بتولع
وان حبيت اشكي أو أعاتب
ابقى كدا غلطت وبتدلع
يوم ملاقيك عايش في الدور
وهاشوف قلبي معاك مكسور
يبقى بلاها اعيش في متاهة
وابني مابينا مليون سور
والدنيا في بعدك هاتروق
ولا تاني هأمن مخلوق
وان يوم جيت وتقول ياحبيبتي
هقولك كان . وخلص م السوق ✋
======================
بقلم // زينب سليم أحمد ✍️