لقانا نصيب __ بقلم الشاعرة / زينب سليم أحمد 💚💜💙❤️
==================
لو عُزالنا فـ يوم قابلوك . .
أو سألوك عن سبب البُعد **
إوعى بدمع عينيك يشوفوك
ولا تشمت فيهم حد **
إوعى تذم في حقي بكلمة . .
قول أن انا كنت أجمل نعمة
بس مفيش لانصيب ولاقسمة
لكن بينا هيبقى الود **
.............
اوعى تقول دي مجرد ماضي
ولا تحسسهم بغيابي **
قول دا هوانا كان مش عادي
سر الفرحة لكل شبابي .**
إركن أى خلاف ع الرف . .
إوعى تجرح فيا بحرف
قول دا غيابها مجرد ظرف .
وهي حياتي وكل اصحابي **
...................
سيب الباب دايماً متوارب
يمكن لسة أمل فى رجوع .**
ياما قبلينا شوفنا تجارب .
داق أصحابها مرار ودموع .**
بس عشانهم كانوا أحباب .
كانوا بيتخطوا أى صعاب
ولا كان بينهم لوم وعتاب .
ولا كبروا أيها موضوع .**
................
إحنا كمان حبنا مش عادي .
ولا عمرنا ع البعد هانصبر .**
يمكن طولنا المرادي .
بس لقانا نصيب متدبر .**
وها نرجع أقوى من الأول .
ولا يمكن قلبنا يتحول .
ولا فيه تاني فراق ها يطول .
ويوماتي حبنا راح يكبر .**
======================
بقلم /// زينب سليم أحمد ✍️
