طلي بالأبيض _ بقلم/ زينب سليم أحمد 💚💙💜💚
(( طلي بالأبيض ))
==================
طلي بالأبيض ياعروسة
من عين حسادك محروسة
مني لخدك مليون بوسة
ولا زي جمالك ياعروسة
***********************
محلاه فستانك والطلة
ياقمر في السما دايماً هاللا
أنا قلبي عليكي سمى وصلى
وبقول من عينهم محروسة
************************
مرسومة البسمة على الشفة
بتزيد في جمالك والخفة
أخلاق وأدب وكمان عفة
وحبايبك حواليكي مرصوصة
************************
دا صبايا كتير حسو بغيرة
من حسن جمالك والسيرة
ياقوام مرسوم ومهوش عيرة
خلى عوازلك كدا مفروسة
*************************
عروستنا حورية من الجنة
بأدبها الكل ياناس غنى
ربنا يسعدها وتتهنى
ماهي حيلة وغالية وننوسة
*************************
ياما خبط عرسان على بابك
واتقربوا لأهلك وأحبابك
بس عريسنا بسهام صابك
واتهنى بقربك ياعروسة
**************************
بقلم // زينب سليم أحمد ✍️
