الحياة رحلة __ بقلم / زينب سليم أحمد 💚💙💜💚
€€€€€€€€€€€€€€€€€€€
التراب عمال بيطوي . .
كل يوم بيضم ناس
والدموع لعنينا تكوي . .
والفراق أصبح أساس
عمر بيجري ويبعد عنا . .
وبيتسرسب سنة بسنة
وأما بنلقاه يخلص منا . .
بنسيب دورنا لغيرنا ميراث
و الحياة رحلة وسنين . .
واحنا عايشينها في سباق
بنختصرها . . بدمعتين
دمعة لقا ودمعة فراق
وكل ما الرحلة تزيد . .
نلقى النهاية تكون بعيد
والهموم نار في الوريد . .
ودمعنا يزدها احتراق
الشمس قايمة مروحة . .
مداريه روحها بالغروب
بخطوة ثابتة مريحة . .
لفة عليها 1000 توب
وعدت قلوبنا بفجر جديد .
جايب معاه الفرح في إيد
وبإيد تانية حلم وليد . .
مفهوش غلطة واي عيوب
والأمل جاي شلالات . .
يغسل قلوبنا من اللي فيها
ننسى اللي فات والذكريات .
ولا ثانية نرجع تاني ليها
والخريف لو فيها قاسي ..
مع الربيع بدل كراسي
والشطوط تبقى مراسي .
بالرضى نرسى عليها
€€€€€€€€€€€€€€€€€€€€€
بقلم / زينب سليم أحمد ✍️
