الحياة رحلة ___ بقلم الشاعرة/ زينب سليم أحمد 💚💜💚
.{{{ الحياة رحلة }}}
€€€€€€€€€€€€€€€€€€€
التراب عمال بيطوي . .
كل يوم بيضم ناس
والدموع لعنينا تكوي . .
والفراق أصبح أساس
ويجري العمر ويبعد عنا . .
وبيتسرسب سنة بسنة
وأما بنلقاه يخلص منا . .
بنسيب دورنا لغيرنا ميراث
و الحياة رحلة وسنين . .
واحنا عايشينها في سباق
نختصرها . . بدمعتين
دمعة لقا ودمعة فراق
وكل ما الرحلة تزيد . .
نلقى النهاية تكون بعيد
والهموم نار في الوريد . .
ودمعنا يزدها احتراق
الشمس قايمة مروحة . .
مداريه روحها بالغروب
بخطوة ثابتة مريحة . .
لفة عليها 1000 توب
وعدت قلوبنا بفجر جديد .
جايب معاه الفرح في إيد
وبإيد تانية حلم وليد . .
مفهوش غلطة واي عيوب
الأمل جاي شلالات . .
يغسل قلوبنا م اللي فيها
ننسى كل الذكريات .
ولا ثانية نرجع تاني ليها
والخريف لو شوفته قاسي ..
عادي . . بدل في الكراسي
والورود تصبح مراسي .
قلبنا بيرسى عليها
€€€€€€€€€€€€€€€€€€€€€
بقلم / زينب سليم أحمد ✍️
