أخر وداع _ بقلم/ زينب سليم أحمد 💚💜💚💙💚
===================
ودعته يومها وقلبي سلم . .
ورجعت مش شايفة الطريق
ماهو كان حبيبي ف قلبي علم
ولروحي كان أوفى صديق
وحلف يوميها ع الوداد . .
إن القلوب ما يطولها حزن
بعد اما داق نار البعاد . .
ساب ذكرياتنا في كل ركن
مسك ايديا وقال كلام . . .
مش متوقع أنه يقوله
رسم وخطط لي ف أحلام .
تكفي سنين العمر بطوله
واتمنينا الوقت يطوًل ..
ولا عقارب الساعة تتوه
ولا اليوم يبدأ م الأول . .
والركاب يمشوا وينسوه
واتفقنا إن دا آخر وداع .
وان بكره الحلو بس هيبقى لينا
وفرحة لقانا هتعوض اللي ضاع ..
وتمحي الأسى اللي ساكن عنينا
رجعت من نفس الطريق . .
وانا شمة عطره في المكان
وبدمع عين يخمد حريق . .
ودعت من عمري الأمان
لمحت صخرة كنا قاعدين جنبها
حسيتها قاعدة كمان حزينة
واتشققت وبكت بحرقة قلبها
ع الفراق اللي انكتب يومها علينا
وراح وغاب وفاتت سنين
كأن وعده كان سراب
ورجعت يقتلني الحنين
واعاني من طول الغياب
واتقطعت كل السبل
والفراق عمال يطول
وفقدنا في لقانا الأمل
وان اللي يصبر راح ينول
وامنت إن الحب مات ..!!!
فى الزمان دا مالوش وجود
ودفنت كل الذكريات
ومحال لقلبي راح تعود
====================
بقلم/ زينب سليم أحمد ✍️