زمن الاستيك __ بقلم الشاعرة/ زينب سليم أحمد 💚💜💚💜💚💜💚💜💚💜
==================
الله يرحم . . زمن الاستيك
لما كان له . . . شأن وقيمة
كنا نفكر . . . . كدا ونتكتك
ونجيب حاجة عليها قيمة
هنجيب بيت وكمان عربية
وعروسة حلوة ومتنقية
نعمل زفة كدا ووليمة
والفسحة فى دولة اوروبية
ماحنا معانا بقيت الاستيك
يعني الرحلة هتبقى فخيمة
راحت ليه هيبتك يامنيل
وبقيت تغرق كدا في المية
ويادوبك بتجيب عشوايا
ولابقى فيه فى قلبك حنيه
او تصمد في العشرة معايا
وبعد ماكنت . . بتفتح بيت
ونستر بك . . . بنت وواد
فقدت الهيبة وجتلك خيبة
ويادوبك . . مصروف أولاد
وللبنوتة عروسة بلاستيك
الله يرحم زمن الاستيك
====================
بقلم / زينب سليم أحمد ✍️
