البعاد __بقلم الشاعرة / زينب سليم أحمد 💚💜💚💜💚💜
==================
وقت بعادنا عن حبايبنا .
بيفوت قاسي كمان وبطييء
أفكارنا . . . تاخدنا وتجيبنا
وتوهنا في . . . أي طريق
وبحور خوفنا نقول ننساها
ونخطي حدودها ومداها
بس أملنا . . . تايه جواها
زي النقطة فى بحر غريق
قالوا البعد ساعات بيقسي
ويبين . . . نوع الأشواق
بس الأيام . . مش بتنسي
طعم اللهفة بين العشاق
مهما بعدنا . . لازم نتلاقى
بقلوب ملهوفة ومشتاقة
ومشاعر صادقة وبراقة
ولا يوم تستسلم لفراق
القرب صحيح . . . بيطمنا
ويحسسنا . . . بكل أمان
والخوف وياهم بيسيبنا
وينسينا . . سنين حرمان
بس البعد دا شييء ومقدر
بيخلينا . . . تملي نفكر
إن الغيبة . . . اكيد هتأثر
وهتزرع . . فدادين أحزان
بس اكيد للغايب عذره
لو بإيديه ولا ثانية يغيب
يمكن بيكون ذنبه ووزره
إنه اتعود يبقى قريب
بس ظروفه ساعات بتعانده
أنه يكمل . . . وياك وده
أصبر دايما إوعى تصده
وكون لجراحه احن طبيب
===================
بقلم/ زينب سليم أحمد ✍️
