غلطوا وعابوا __ بقلم / زينب سليم أحمد 💚💜💚💜💚💜💚
==================
ليه مابقتش بشوف انا ضلي
امتى مراري ياناس هيحلي
ومين في الدنيا لسه فاضلي
واحبابي خلاص راحوا وباعوا
قلبي عمال يشكي بحيرته
وبراضي أنا فيه وصبرته
وكمان دوست عليه وجبرته
ولا همني تعبه واوجاعه .
بهموم متعبي ومتحمل
ماسك نفسه اهو و مكمل
صابر ع القسوة وبتجمل
حتى ولو عاش ملوى دراعه
صونت الملح وقبله العيش
كل ما بزرع اجني في هيش
واخر صبري بلقى مفيش
كل جمايلي معاهم ضاعوا
واما لقيتهم غلطوا وعابوا
دوغري في عيني صغروا وخابوا
ولا بقى يفرق جم أو غابوا ..
ولا عاد قلبي سهل خداعه
====================
بقلم / زينب سليم أحمد ✍️
