إتواعدنا ___ بقلم الشاعرة/ زينب سليم أحمد 💚💜💚💜💚💜
==================
ازاي فراقنا اتحمله ..؟؟؟!
وانا مش بشوفه وأكلمه.
والحزن عمالة اكتمه
ماهو باعني ليه اشتريه
اتواعدنا ايوا اتواعدنا
على الوفا لو يوم بعدنا
ماحنا فراقنا ولا كان بإيدنا
لكن نصيبنا وهنعمل ايه؟؟
.
وانا لسة قاعدة وبنتظر
لمسة إيديك لما انكسر
وقلبي حس أنه خسر
سنده اللي كان مسنود عليه
صحيح عنادنا سبب فراقنا
وبنار غيرتنا أيوا اتحرقنا
والعمر ضاع منا وسرقنا
واتسرسبت أيامه ليه ؟؟؟
تفتكر لو قولنا نرجع ..
ولسة فينا الألم بيوجع
هانبقى تاني للروح بنخدع
ولا اللي ضاع صعب نلاقيه ؟
====================
بقلم/ زينب سليم أحمد ✍️