الوجع ____بقلم الشاعرة/ زينب سليم أحمد 💚💜💚💜💚💜💚💜💚💜💚💜💚💜💚💜💚💜
=================
الوجع مكتوب علينا . .
كل يوم عمال يزيد
والأسى ساكن عينينا . .
زي نار من غير وقيد
واللي انكتب كدا ع الجبين .
بيهد فينا من سنين
مرة جراح وكتير أنين .
يخلص ويبدأ من جديد
الوجع فتح جروحنا . .
ما سابش فينا مكان سليم
بقسوة شق قلب روحنا . .
ولا حس بينا وكان رحيم
واتكشفت كل العيوب . .
والآه تدوب فينا دوب
واهو كله تكفير للذنوب . . . .
وربنا بحالنا عليم
الوجع بين عدوك من حبيبك ، ،
مين معاك ومين عليك
اللي تلاقيه محال يسيبك . .
واللي فجأة ساب ايديك
وف ثانية تتكشف وشوش .
من غير زواق وبدون رتوش
معدن مايسواش القروش . .
وجاي يشمت تاني فيك
يبقى الوجع رغم الأسى . . .
هدية ليك ...!!!!
لأنه جايز أو عسى . . . .
فتح عينيك ...
وعرفك انك ضعيف . . .
وكنت عايش كالكفيف
وان ربيعك و الخريف .
شاهدين عليك ...!!!
==================
بقلم/ زينب سليم أحمد ✍️
