المشاعر ==== بقلم زينب سليم أحمد ✍️
{{{{ المشاعر }}}}
===================
نص المشاعر . . . كان كلام
والباقي منها . . . كان خداع
ماهي أيد . . . بتتوضا بسلام
مع ايد . . . بتسحبها لضياع
والخبث . . ساكن في العيون
غرقان . . . لشوشته ف غشها
للود كان . . . حالف يصون
ويكون مدارها . . . وعشها
واستوطنت . . . فينا الآهات
والندم . . . . مش بيفارقنا
قاتلة قلوبنا . . . . . الذكريات
في النار . . . رميانا وبتسيبنا
ماهي أرواح حبت بسذاجة
كان قلبها . . . بالوفا شلال
كانت بس يادوب محتاجة
جبر الخاطر . . . لو بسؤال
ولا كان مصيرها . . غير ندم
واتصدعت . . جدارن قلوبها
مع ناس نفوسها من عدم
تظهر بتوب مش من توبها
ياما ناس جوانا رغم البعد
وناس ويانا . . . بس بعيد
قلوب تسقينا حلاوة الشهد
وقلوب سقيانا المر صديد
ونداري همومنا . . وبنخبي
وبنعمل فيها . . . أننا راضيين
والكيل بقى طافح ومعبي
واهي دنيا المفروض فيها عايشين
=====================
بقلم / زينب سليم أحمد ✍️
