المشاعر __ بقلم/ زينب سليم أحمد 💚💜💚💜
===================
نُص المشاعر . . . كان كلام
والباقي منها . . . كان خداع
ماهي أيد . . . بتتوضا بسلام
مع ايد . . . بتسحبها لضياع
والخبث . . ساكن في العيون
غرقان . . . لشوشته ف غشها
للود كان . . . حالف يصون
ويكون مدارها . . . . وعشها
واستوطنت . . . فينا الآهات
والندم . . . . مش بيفارقنا
قاتلة قلوبنا . . . . . الذكريات
في النار . . وسيبانا لمصيرنا
مع روح . . . حبتها بسذاجة
كان قلبها . . . بالوفا شلال
كانت بس يادوب محتاجة
جبر الخاطر . . . . لو بسؤال
آخر مصيرها . . . كان ندم
واتصدعت . . جدارن قلوبها
مع ناس نفوسها من عدم
عليها توب . . . مهوش توبها
ياما ناس ف قلوبنا رغم البعد
وناس ويانا . . . بس بعيد
قلوب تسقينا . . حلاوة الشهد
وقلوب سقيانا . . المر صديد
ونداري همومنا . . . وبنخبي
وبنعمل فيها . . . إننا راضيين
والكيل بقى . . طافح متعبي
ماهي دنيا غريبة وادينا عايشين
======================
بقلم / زينب سليم أحمد ✍️
