شباب القلب _ للشاعرة / زينب سليم أحمد 💚💜💚💜
================
حسيت كتير قلبي أنا
بيزيد شباب رغم الضنا
الناس بتكبر ع الهدد
وانا لسه بطمح في البنا
عدِّت عليَّ سنين .. عجاف
ولا مرة فيها القلب خاف
أنا قلبي مليان بالحنين
وبشوق وعشق قريبين
وطموح كبير مالوش حدود
يفرض كيانه على الوجود
حتى زماني لو عنيد
هامنع عناده انه يسود
هافرد جناحي واطير بعيد
ولا عمر قلبي يكون شريد
واشق من بين الآسى
سكة لأمل مولود جديد
=======================
بقلم / زينب سليم أحمد ✍️
