ليه بنتردد ____بقلم/ زينب سليم أحمد 💚💜💚💜
....................................
ليه الخير عمال بيقل ؟؟؟
والطيب عايش ف الضل
مهما الدنيا . . . تبكت فيه
ولا بيلاقي حبيب بيطل
ولا مرة بيسألوا ويحنو
إلا لو عازوين .. شيء منه
يومها بس . . بيجروا عليه
بعدها يهربوا . . ولا يستنوا
وبيختفوا دوغري ف الدوكة
ويألفوا . . روايات محبوكة
عن حواديت الدنيا اللاهية
وروابط صبحت مفكوكة ..!
راحت فين ،، ايام اللمة ؟؟
ومساعدتنا . . لبعض بذمة
جار وصديق كانوا فالضيق
يتعاونوا . . برجولة وهمة
صبحت ليه أحوالنا غريبة ؟
ليه جوانا . . خنقنا الطيبة
وخلافنا . . دوغري يفرقنا
ولا نتجمع غير في مصيبة
ليه نتحسر ونقول كااان؟؟
عاوزين نرجع . . زي زمان
وحبل ودادنا اللي فلت منا
نجدله حب . وخير وأمان
ليه بنتردد أو نستنى ؟؟؟
واحنا بإيدنا نعيش ف الجنة
لما نراعي الله وضميرنا
هانحقق . . . كل مانتمنى
==================
بقلم// زينب سليم أحمد