قولي ياغالي ___ بقلم/ زينب سليم أحمد 💚💜💚
=================
قُل لي ياغالي ليه تجافيني
وانت النور والضي لعيني
لو قاسوك ... عزّالي عليا
ليه تشمتهم . . وتبكيني ؟؟
( دانت النور والضي لعيني )
اياك تكسر خاطري عشانهم
ولا تعوم ع العوم ف جنانهم
دانت أمالي وحبي الغالي
واجمل قصة عرفها زمانهم
( دانت النور والضي لعيني )
دوس على اي كلام وتعالَ
ليه تتكبر . . أو تتعالى ؟؟
فكرك انك يوم ما تجيني
آجي عليك واقولك لا لا
( دانت النور والضي لعيني )
يا اللي في بعدك بابقى وحيدة
بامسح دمعتي . . بالتنهيدة
ارجع قول عنك ما استغنى
ولا يمكن راح تبقي بعيدة
( مانت النور والضي لعيني )
قُل لي ياغالي انك مش ناسي
ولا يمكن هاتسيبني أقاسي
واني أكيد ها اتهنى بقربك
وارفع وسط حبايبي أنا رأسي
( مانت النور والضي لعيني )
====================
بقلم / زينب سليم أحمد ✍️
