قولي ياغالي __ بقلم / زينب سليم أحمد 💚💜💚
(( قولي ياغالي ))
==================
قولي ياغالي ليه تجافيني
وانت النور والضي لعيني
لو قاسوك عوزالي عليا
ليه تشمتهم . . وتبكيني ؟؟
اياك تكسر خاطري عشانهم
ولا تعوم ع العوم ف جنانهم
دانت أمالي وحبي الغالي
واجمل قصة عرفها زمانهم
( دانت النور والضي لعيني)
دوس على اي كلام وتعالى
ليه تتكبر . . أو تتعالى ؟؟
فكرك انك يوم ما تجيني
اقسى عليك واقولك لا لا
دانت فاهمني كمان ومجرب
لما بتقسى . . بحن واقرب
وبصون ودك وانت ف بعدك
لو هاتشرق . . . او هاتغرب
(دانت النور والضي لعيني)
ياللي في بعدك ببقى وحيدة
بمسح دمعتي . . بالتنهيدة
ارجع قول عنك ما استغنى
ولا يمكن راح تبقي بعيدة
قولي ياغالي انك مش ناسي
ولا يمكن هاتسيبني أقاسي
واني أكيد ها اتهنى بقربك
وارفع وسط حبايبي أنا رأسي
(مانت النور والضي لعيني)
====================
بقلم / زينب سليم أحمد ✍️
