عاوزة أوقف الزمن __ بقلم الشاعرة/ زينب سليم أحمد 💚💜💚
=======================
عاوزة أوقف الزمن . . عند لحظة فرحت فيها
صعب تقديرها بثمن . . أو سنين الخوف ماليها
لحظة تسوي العمر بحاله . . كنت فيها هوا أنا
من غير ذوق أو مجاملة . . و فرق بين فقر وغنى
عيشتها مع ناس بجد . . . يعرفوا معني المحبة
همس قلوبها كله وود . . ولا يوم تقول ع الحبة قبة
عايزة الزمن يقف اكيد . . يمكن ينسيني اللي فات
واتولد تاني من جديد . . من غير آلام وبدون آهات
عايزة الزمن يقف بقى . . يمكن اعوض اللي راح
يخطفني مني وم الشقى . . ويداوي قلبي م الجراح
ياما نفسي أرجع بالزمن . . وتتاح لي فرصة اغيره
والاقي ناس لروح سكن . . ولا مرة قلبي تحيره
وانسى اللي شوفته بعدهم . . زي الغريق وسط البحور
وسنيني عيشت بأعدهم . . وكأنه ليل ماباينله نور
يازمن جديد إبعد بعيد . . . رجع أماني باللمة
هو انت قطر بقلب حديد . . دايس أمالنا ليه بهمة؟؟
نوٌر بالبسمة كدا وشوشنا . وارجعلي بضهرك لو حبة
اهمس في وداننا ووشوشنا . خلي صراعنا يبقى محبة
============================
بقلم / زينب سليم أحمد ✍️