إيه فكرك بيا ؟؟ بقلم الشاعرة / زينب سليم أحمد 💚💜💚💜💚
==================
ايه فكرك بيا . .؟؟
بعد السنين ديا
مش قولت يومها وداع
وان اللي بينا خداع
حتى الذنوب والعيوب
طلعتهم فيا . . . !!!!!
........
مشيت ماقولت سلام
وقفلت اي كلام ..!!!
فكرت . . لما تغيب
اني هضيع أو اسيب
الدمع يملأ بحور
وابعت عتاب وملام
.......
ماتقولي ايه جابك
كان لك حبيب سابك
وعاوزني انا مكانه
مانا بعتني عشانه
فكرك في يوم هنسى
وهاحن لجنابك ..!!!
........
فكرت . . . لما تجور
راح تطفي فيا النور
وربيعي يبقى خريف
والقلب يبقى ضعيف
يرجع اليك تاني ويحن
لأناني بإيده بات مكسور
...............
ارجع مكان ما اجيت
صدقني والله نسيت
خليك بقى في حالك
واياك تقول مالك؟؟
وتعيش لي تاني الدور
ولا تقول . . حنيت
............
ابعد بعيد .... امشي
وياريت ما ترجعشي
انسى اللي بينا زمان
والله مهمن كان
عمري ما هرجع ليك
وعليك مابندمشي
====================
بقلم / زينب سليم أحمد ✍️
