حسبي الله __ بقلم دكتورة / زينب سليم أحمد 💚💜
====================
في اللي يوم بكى عنينا
اللي بإيده صبح غريب
بعد اما كان كل اللي لينا
اللي كنا نعامله دايما بإحترام
و فــ قلوبنا بنينا له صرح ومقام
وعشان خسيس ، باع بالرخيص
واشترى إللي يشبهوه ...!!!!!!
ينتقم منكم . . . إللهي
ياللي كسرتوا فرحتي
خونتوا ليه عيشي وملحي
وهان عليكم . . . . دمعتي
وبكل غدر كويتو جرحي
بميه نار جيتوا طفيتوه .!!!!!
(( وحسبي الله ))
يوم ماجيتوا . . . وشوفتكم
كنتم لبسين 100 قناع على وشكم
ولإننا ناقصين علام . قولتم كلام
ولا كان له داعي . . كنتم أفاعي
تبخوا سم . . . وانا مش رفاعي
ليكون دا حلم ؟؟ لأ دا باينه علم ..!!!
علمتوا بيه على مهجتي آآآه ياحرقتي
يمكن كابوس صاب النفوس
وعقول غبية بقيت تدوس
على اي شييء . . . . صابني بضيق
جوا الوريد دمي شهيد جاله انهيار
مضروب بنار . . . بقى بينا طار
هاخده اكيد . . . . . و فــ دنيتي
(( وحسبي الله ))
في اللي افترى وكدب علينا
ونبش عشان نفسه يشوف
اسوأ مافينا . . واحنا نسينا
لما جه يذرف دموع وبإيديا
بنيت كمان خط الرجوع
عمري ماحبيت . . . النكد
كنت السند . . . بس العناد
داس ع الزناد ووقف وتد
يبقى تقولي ازاي اتاطي ؟؟؟
وانت اللي واطي وبايع كمان
اما جبان . . اااه يا أولعبااان
(( وحسبي الله ))
لما عيشت معاك قلق
وقلبي شاف سنين عجاف
ولا عمره خاف لما اتدلق
علشان حكيم فكره سليم
ربك عليم نجاه من قبل ما يبتدأ
ولأنه كان طيب أوي وملوهش ايد بتتلوي
ليه تكدروا ؟؟؟ ولا كنت يوم بتقدروا
بعترته ليه وبالرخيص بتودره
وعلى عدوه كمان بقيت بتصدره
وعلى عدوه كمان بقيت بتصدره
=========================
بقلم. // زينب سليم أحمد ✍️
