هدية ربي __ بقلم الشاعرة / زينب سليم أحمد 💚💜
====================
مين في الدنيا يوم شال همي؟؟
واما بأقع . ألقاه بيسمي ؟؟!!
غيرك انتي . . ياست الكل
وعقد الفل . . ياغالية يا أمي
يا هدية ربي . . . ياااحبيبة
يارمز العطا والخير والطيبة
مهما يكون في الدنيا عجايب
انتي حنانك وحده عجيبة
دا اللي مابيني وبينك ياما
مش محتاج إثبات وعلامة
ويوماتي بدعي . . في صلاتي
إن تعيشي . . بخير وسلامة
ويديمك نعمة . . في حياتي
ياأصل وجودي وكلي وذاتي
ياللي بفضلك . . . ربي كرمني
واتقبل . . . . صومي صلاتي
بدعي يوماتي المولى يصونك
ولا يوم دمعة تشوفها عيونك
دانا لو اطول السما راح اجمع
كل نجومها . . تبقى في كونك
======================
بقلم // زينب سليم أحمد ✍️