الحب كله __ بقلم الشاعرة / زينب سلم أحمد
=================
ياملفلف قلبي معاك دايماً
ولافيك ولاهفوة ولاغلطة
من كتر حلاوتك بتجنن
وتدوبني ريحة الخلطة
لو عنقودك يسكر 100
الصابعين منك يسطلهم
ياجمال تسبيكتك با الليه
بتوقعهم كدا من طولهم
والكل شهدلك بمحبة
انك في البرد الدفاية
لو نستنى عليهم حبة
هايشنولك احلى دعاية
يتلموا العيلة و الخلان
يفرحوا بالطعم وبالطلة
والفرحة . . قلبت بجنان
دول ناقص ياكلوك بالحلة
ضيف ع المعدة لذيذ وخفيف
بنحبك . . في الشتا والصيف
كل ما تغلى . . برضه بتحلى
ومظبطنا . . كأنك كيف ..!!!
وبموت فيك حتى ولو بايت
واكلك في عشايا و سحوري
ولاهمني وزني و الدايت
والضاني معاك زادلي سروري
====================
بقلم / زينب سليم أحمد ✍️
