عدينا يامعداوي _ بقلم الشاعرة / زينب سليم أحمد 💚💜
==================
عديني . . أوام يامعداوي
في المركب سمعني غناوي
وانا وحبيبي معاك هانغني
واحكيلنا مواويل وحكاوي
والدنيا . . لفرحتنا تهني
ونسيم البحر . . المستني
جانا اوام يرقص ويغني
طبطب على جرحنا بيداوي
عدينا اوام يامعداوي
النورس . . طاير حوالينا
بيرفرف على صوت غناوينا
ونسايم بحرنا . . م الفرحة
على موج أشواقنا تعدينا
والشمس مقابلانا تصبح
والحزن خلاص عدا وروح
ف المينا عمال فيه بطوح
مانا للفرحة . . جاي وناوي
عدينا اوام يامعداوي
داحنا خلاص علقنا الزينة
في الحارة م البيت للمينا
والليلة خلاص كتب كتابنا
والفرحة اهي ماليا عنينا
ياللا تعالى اوام يامتنا
خلي الدفة تميل ناحيتنا
داحنا ناوينا تكون زفتنا
ع المركب ونغني غناوي
عدينا اوام يامعداوي
=================
بقلم/زينب سليم أحمد ✍️
