أرض الفيروز. _ بقلم الشاعرة/ زينب سليم أحمد 💚💚
(( أرض الفيروز ))
===================
على ضفة سينا احنا رسينا
ماهي رجعت ارض الفيروز
وسهرنا نحكي ف حكاوينا
ماهو رملها . . الماظ وكنوز
حبيبتنا . . سينا المحروسة
متزوقة ولا احلى عروسة
دي الأرض اللي اتجلى عليها
رب العزة . . . وكلم موسى
يا ارض غالية على قلوبنا
مذكورة دايماً في كُتبنا
دا كل شبر في ترابك
نحميه . . قدرنا ومكتوبنا
بإيدينا راح ترجعي خضرا
ياحامية . . عيسى والعدرا
ياقلب مصر وضي العين
وروح جميلة عاشت صابره
حامي ترابك . . رب الكون
حلف بتينك . . . والزيتون
لتعيشي دائما كدا في أمان
وجيشنا ع العهد وبيصون
رجالنا وقفوا نسور واسود
إيمان وقوة ماليها حدود
وبروح ودم كمان ضحوا
لجل أما كل شبر يعود
====================
بقلم / زينب سليم أحمد ✍️
