الله على مصر بقلم الشاعرة زينب سليم أحمد
كل عام ومصرنا الحبيبة وشعبها العظيم بخير وسعاده وأمن وأمان واستقرار ويتعاد علينا جميعا مسلمين ومسيحيين هذه الأيام المباركة بالخير واليمن والبركات
(( 🇪🇬 الله على مصر 🇪🇬 ))
====================
الله على مصر يااارجالة
عجباني يابلدي اوي الحالة
مسجد سهران جنبه كنيسة
وبلدنا المولى اهو حماها
من أفكار هدامة خبيثة
وحدتنا مهيش عاوزة قوالة
الله على مصر يارجالة
محمود اتجمع مع مينا
علقوا في الانوار والزينة
وبلدنا عروسة بتتزوق
بأيادي ولادها الشغالة
الله على مصر يارجالة
جامع فيه تهجد وقيام
وسبوع فــ كنيسة. لألأم
والكل يصلي ويدعيلك
يابلدنا تعيشي ف سلام
ويعيد بأمان نفس الحالة
الله على مصر يارجالة
الوحدة بتبني وبتشييد
ولا بينا عبيد ولا فيه سيد
كلنا على قلب وروح واحدة
نتجمع دايماً . . . ونعييد
دي محبتنا أغلى رسالة
الله على مصر يارجالة
===================
بقلم/ زينب سليم أحمد ✍️
