الله على مصر ___ بقلم الشاعرة/ زينب سليم أحمد
🇪🇬 الله على مصر 🇪🇬
===================
الله على مصر . . يارجالة
عجباني يابلدي اوي الحالة
مسجد سهران جنبه كنيسة
والمولى حاميها وحارسها
من أفكار هدامة خبيثة
وحدتنا مش عاوزة قوالة
الله على مصر يارجالة
محمود اتجمع مع مينا
علقوا أنوار وكمان زينة
وبلدنا عروسة بتتزوق
بأيادي ولادها الشغالة
الله على مصر يارجالة
جامع فيه تهجد وقيام
وسبوع فــ كنيسة. لألأم
والكل يصلي ويدعيلك
يابلدنا تعيشي ف سلام
ويعيد بأمان نفس الحالة
الله على مصر يارجالة
الوحدة بتبني وبتشييد
ولا بينا عبيد ولا فيه سيد
كلناعلى قلب وروح واحدة
نتجمع دايماً . . . ونعييد
دي محبتنا أغلى رسالة
الله على مصر يارجالة
===================
بقلم/ زينب سليم أحمد ✍️
