أجمل عشرة _ بقلم الشاعرة / زينب سليم أحمد 💚💚💚
(( أجمل عشرة ))
=================
عم ميشيل أبو قلب جميل
راح توحشنا بجد ياغالي
بس عشانك ..... حد أصيل
راح ترجعلنا كدا طوالي
مانت حبيبنا وأجمل عشرة
عمر ماشوفنا منك عيبة
معدن اصلي ومهوش قشرة
اخلاق عالية معجونة طيبة
كل الناس بسهولة حبوك
علشان ذوق والفكر حكيم
وكمان دعوا لأمك وأبوك
علشان راعوا قلب عظيم
تكتب شعرك أو ترانيمك
نلقى كلام مليان بالحكمة
ربي ديم على ميشو نعيمك
وابعد عنه الضيق والغمة
وبارك عمره سنين وسنين
ولا يتعب ..... ويقول الآه
ولو يوم مرة لقيته حزين
ساعده .. واسعده يااااالله
دا صاحبنا وحبيبنا الغالي
ولا نقدر على بعده ثواني
نجم السما دائما في العالي
يبدر خير لو كان بيعاني
====================
بقلم / زينب سليم أحمد ✍️
