دايرة الحياة .... بقلم الشاعرة/ زينب سليم أحمد 💚💚💚
===================
جوا . . . . . دايرة الحياه
عمالة اعافر . . من سنين
نفسي . . . أخرج برا منها
بس اعيشها . . ولو يومين
الحياه . . . . زي الرحايه
كل يوم . . تطحنلي حلم
بإقتدار . . فرضت وصاية
والكابوس . . بشوفه علم
جدرانها . . عمالة بتضغط
قاطعة نفسي . . ليل نهار
حتى إسمي فيه بلخبط
حساني على . . حاف إنهيار
عاوزة ابعد . . . عنها حبة
اعيش في حالي وبسلام
جوا نفسي استخبى ..!!!
والاقي نور يمحي الضلام
اللي عشش . . في النفوس
وسد نفسي . . عن الحياة
وصبح بينخر كنه سوس
مش عارفة أحدد منتهاه
وبهدوء . . لحياتي اخطط
وناس كتيره . . هاتتمحى
نهار شعاعه . . يفج نور
قبل ما يبان له . . ضُحى
===================
بقلم / زينب سليم أحمد ✍️
