مشاعر ازاز ___ بقلم/ زينب سليم أحمد 💚💚💚
==================
اللي بينا كان ازاز .......... وبغباوة أهو انشرخ
لو كنا على بعض عزاز ..... ما كان فارقنا وانسلخ
بس لقيتك من ورق ........ مركب مصر ع الغرق
وعمري وياك اتسرق ........ بإيدين ضعيفة تتملخ
اللي بينا مكنش حب ........ بس المشاعر كت بجد
كنا نتعامل بقلب ............... وبأخوة ملانه ود
ياما كنت اقول انك سند .... وانك أمان وانك مدد
وحاجات جميلة بتتولد ..... ماليها حصر وأي حد
كنت بضرب بيك مثل ...... في الرجولة والشهامة
نفسي اعرف ايه حصل .....خلانا على حافة ندامة
كنت مني واللي ليا ........... كنت غالي كتير عليا
عمر ضاع مالوهش ديه ..... وخلصنا منه وبسلامة
اللي بينا كان حياة ......... شعور لا يمكن تفهمه
طريق مشيته لمنتهاه ....... بعقل فشلت تحكمه
افعال كتير بتبقى جارحة .. وتملي كنت معاك مسامحة
كل يوم اقلب ف صفحة........واجي على قلبي واظلمه
عمري ماكنت بتخدع ...... ولا شكيت وقولت آآآه
كان قلبي لما يتوجع ..... القاك اوام توصف دواه
كنت الشفا كنت الطبيب .... وكنت اقرب م القريب
بس انت بديت الغريب .... كمل بقى طريقك معاه
======================
بقلم / زينب سليم أحمد ✍️