العشرة الحلوة _ بقلم/ زينب سليم أحمد 💚💚💚
===================
العشرة الحلوة ماتتسابشي
والناس الغالية مابيهونوا
أما الناقصين مهما اديتهم
من اول لحظة بيخونوا
الدنيا تملي ..... تجمعنا مع
ناس ياما وتدمعنا كمان
بندامة بس بنتحمل مرارتها
وبصبر ..... نتابع حكايتها
وأملنا أن تكون ... نهايتها
بر .................. سلامة
اصل العشرة الحلوة تداوي
مهمن كان ف القلب جروح
بتحل مشاكل ..... وبلاوي
وتنسي العين البكا والنوح
وتلاقي ف وسط الضلمة
بصيص ....... للنور بيبان
وبننسى ايها فعل خسيس
صاب قلبنا من حد جبان
وندوس ع الجرح ونتكا
ونشوف سكة غير السكة
ونسد في وشه اي بيبان
العشرة الحلوة م تتعوضش
ولا ينفع ... قلبنا يتحول
ع البعد ثواني مايتحملش
وبيرجع أحسن م الأول
والنبضة لولي مع فضة
بالندى تلاقيه قام يتوضا
ويراعي الكل في أفعاله
والصدق أساسه وراسماله
وتملي على غيره بيسأل
حتى لو همه عليه يتقل
الصبر دايما في خصاله
معرفة الناس مكسب وكنوز
والرك انك تختارهم صح
سيبك م اللي بيلوي البوز
يوم ما تعوزه يقولك بح
وف وقت الشدة هتلاقي
كل كلامه سم شراقي
سيبك م الناقص وبناقص
عمره ماهيبقى بيك حاسس
وأن جالك .... عامل متأثر
لو شافك مهموم متحسر
عمر ضميره مايكون خالص
===================
بقلم/ زينب سليم أحمد ✍️
