روح واحدة ... بقلم الشاعرة/ زينب سليم أحمد 💚💚💚
=================
جوايا حاجة نفسي اقولها
كتماها فيا . . من سنين
ان سمايا سهل أطولها ..!!
وصعب اقولك كلمتين
غمض عينيك عني لثواني
خليني . . . اتنفس هواك
جايز كسوفي يسيبني تاني
واقدر اقول الروح معاك
بعديها فتح . . حبة حبة
اهمسلي قولي وايه جديد؟؟
خليني في عنيك استخبى
واحس بفرحة كأنه عيد
ماحنا ياما كتير دارينا
كنا بنخاف . . . الملام
الحب لما يبان ف عنينا
سهل يفسر . . . اي كلام
كنا نقول أننا ها نفارق
بس لا نقدر . ولا نتحمل
نلقى قلوبنا بسرعة تسابق
مين يلحق ويقولها الأول
احنا بقينا خلاص روح واحدة
صعب تسيبني ولا اسيبك
يبقى ازاي هنقف ع الواحدة
وانت حبيبي .. وانا حبيبك
====================
بقلم / زينب سليم أحمد ✍️
