ضيوف الرحمن .. بقلم الشاعره/ زينب سليم أحمد 💚
===============
أمانة عليكو أمانة
يا رايحين للنبي
تدعولي بكل أمانة
وتلبوا ..... مطلبي
ياللي المولى دعاكم
و رايحين ... الحجاز
يسرها .. واصطفاكم
تبقوا ضيوفه العزاز
افرحوا م القلب ولبوا
وطوفوا .... وكبروا
مَين يرضى عنه ربه
يسر أمره ..... ودبره
كان نفسي اكون وياكو
ودا حلمي .. ومطلبي
في الروضة اصلي معاكو
عند حبيبي ..... النبي
وعشان نلتوا ... المّنى
ع المزدلفة اوام جيتو
هتباتوا ...... ف منى
وعلى .عرفة لبيتوا
وبحصى ترجموا ابليس
ودا اخر .... عهد معاه
يبقى قرآنكوا ... ونيس
و تنولوا ........ عفو الله
وملائكة تطوف وبتسبح
في الأرض ...... وف السما
تذكر ربها ........ وتسبح
ويا حمام .......... الحمى
ياهنا اللي يطوف حوالين البيت
وفي سعيه كان صادق وأمين
والروح م الفرحة تقول لبيت
والمولى غفر لي ذنوب وسنين
وملايكة الوف حواليكو تطوف
لوداعكم ........ وتبارك ليكو
ينزاح الخوف والروح بتشوف
إن المولى ..... بيتباهى بيكو
===================
بقلم/ زينب سليم أحمد ✍️
