غصن زيتون 🌿 بقلم الشاعرة 🌿 زينب سليم أحمد 🌿
{{ 🌿 غصن زيتون 🌿 }}
====================
شمسنا أهي صحيت من نومها
بتلملم ...... ضفايرها الدهبي
ولا احلى صبية من يومها
بشعاع نورها .... يفرح قلبي
لمت م السما ...... كل نجومها
عقدتهم ........ لولي مع فضة
وزهور بتفتح فــ غصونها
بالندى للفجر .......... بتتوضا
وشعاع النور جاي بيسابق
بيشق ضلام الليل مكسوف
ونسيم الفجر ..... ببال رايق
اتبسم من .... لونه المخطوف
والورد البلدي عطره اهو فاح
بروايح ...... ولا احلى كلونيا
خلى صباحنا .... مليان أفراح
مبدور في قلوبنا فــ الدنيا
والكروان صحى الكون بغناه
بيسبح .... ويا حمام الدوح
البلبل ردد قال ........ الله
دا غناكم والله .... يرد الروح
وفرد جناحاته وطار لبعيد
لجل ما يستقبل يوم ميمون
جايب وياه الفرح في إيد
فــ إيده تانية غصن زيتون
====================
بقلم / زينب سليم أحمد ✍️
