شغل دراما _ للشاعرة الكبيرة / زينب سليم أحمد 💚
====================
مبقيتش استنى .... رجعتكم
ولا أكحل عيني ...... برؤيتكم
وإن كان ع الذكرى اللي مابينا
اهي خدت الشر .... واخدتكم
لا هو ضعف .... ولا قلة حيلة
دا كرم مني .... عشاني أصيلة
وأن كنت ..... محملني جمايل
يبقى فراقك .... اغلى جميلة
ولقيت في بعادكم بصراحة
إنزاح الهم .......... ومرتاحة
ولا ضغط الدم بقى بيعلى
والصوت بقى هادي وبراحة
ارتحنا من قالوا ...... وقولنا
وصبرنا كتير ولا يوم نولنا
ياما دوقنا منكم ظلم وغدر
بس بنتعامل ........ بأصولنا
ودعت ...... مراركم والضيقة
رجعت روحي صافية بريئة
ندمت أنها عرفتكم في يوم
بعد اما لقيتكم ناس بيئة
روحوا ودوروا ع اللي شبهكم
اللي بعاره ........ راح يشبهكم
واما تفوقوا ......... م الغيبوبة
تلقوا الحسرة صايبة قلوبكم
وبناقص بقى ملحكوا والعيش
المركب اللي ... تروح ماتجيش
ودعت خلاص ..... زمن الطيبة
مش هارجع تاني اكون درويش
نسيانكو خلاص بان له علامة
ولا حسيت ...... لحظة بندامة
وبلاها كمان .... تمثيل وخداع
بزيادة بقى ........ شغل دراما
=====================
بقلم / زينب سليم أحمد ✍️
